14.12.2024 08:47 Ўш 174
ЎШ.14 декабр – Альянс-Пресс. Ўзбекистоннинг Ўш шаҳридаги Бош консулхонаси томонидан Фарғона вилояти ҳокимлиги билан биргаликда жорий йилнинг 10-11 декабрь кунлари "Ўзбек-қирғиз чегара олди ҳудудлари бизнес-форуми" ташкил этилди.
Бизнес-форумда қатнашиш учун Қирғизистоннинг Ўш, Жалолобод ва Боткен вилоятларининг етакчи тадбиркориларидан иборат делегация Фарғонага бордилар.
Форум доирасида Қирғизистон вакиллари Риштон туманидаги "Халқаро кулолчилик маркази" ҳудудидаги "Мингбоши керамик" оилавий корхонаси фаолияти билан танишишди. Шунингдек, Риштон тумани Алишер Навоий маҳалласидаги "Чинни маҳсулотларини ишлаб чиқариш ва безак бериш" корхонаси билан танишув қўшни республика тадбиркорларига катта қизиқиш уйғотди.
Корхоналар билан танишув ва ўтказилган мулоқотлар давомида ўзаро алоқаларини янада ривожлантириш, Қирғизистонда кулолчилик ва чинни маҳсулотлари ишлаб чиқаришни йўлга қўйиш масалалари муҳокама қилинди.
Сафар давомида, Қирғизистон делегацияси Учкўприк туманидаги "Бобошбек" енгил саноат маҳсулотлари ишлаб чиқариш, логистика ва савдо мажмуаси, "Меҳригиё" корхонаси ҳамда "Қўқон" эркин иқтисодий зонасида хитойлик ҳамкорлар иштирокида ташкил этилган "MBF Company" қўшма корхонасида бўлди.
"Қўқон" эркин иқтисодий зонасида икки мамлакат тадбиркорлари ва расмий идоралар вакиллари иштирокида бизнес-форум бўлиб ўтди.
Тадбирни Фарғона вилояти ҳокимининг ўринбосари Нуриддин Мамажонов очиб берди. У Фарғона вилоятнинг инвестицион ва экспорт салоҳияти ҳамда халқ фаровонлигини ошириш мақсадида амалга оширилаётган лойиҳалар тўғрисида сўзлаб берди.
Форум давомида Фарғона ва Қирғизистон ишбилармонлар доираси вакиллари ўртасида В2В шаклидаги учрашувлар ташкил этилди. Унда ўзаро шерикликни йўлга қўйиш ва маҳсулотлар экспорти ҳамда импорти бўйича келишувларга эришилди.
Тадбир якунида Савдо-саноат палатаси Фарғона вилояти ҳудудий бошқармаси ва Ўш вилояти Хусусий тадбиркорлар уюшмаси ўртасида англашув меморандуми имзоланди.
Бўлим мақолалари
| 04.11.2024 |
|
| 04.10.2024 |
|
| 27.06.2024 |
|
| 28.11.2023 |
|
| 06.09.2023 |
|
| 10.03.2023 |
|
| 23.12.2022 |
|
| 05.04.2022 |
|
| 23.03.2022 |
|
| 29.01.2022 |
|
