22.11.2017 11:07 Ўш 2339

Кеча Буюк Британия пойтахтидан ўз юртига Бобир номли Ўш Давлат академик ўзбек мусиқа - драма театрининг бир гуруҳ артистлари қайтиб келдилар

Илгари “Альянс-пресс” агентлиги хабар қилганидай, Лондонга бизнинг артистлар буюк драматург Шекспирнинг машҳур асарларидан «Ричард III» спектаклининг замонавий интерпретациясини инглиз томошабинларнинг эътиборига ҳавола этгани борган эдилар

19 ноябрда Бобур номли театр артистлари Лондон театрларининг бирида ўз маҳоратларини намойиш этдилар. Спектакл икки сеансдан иборат бўлди. Бизнинг саҳна усталаримиз ўз ролларини ўзбек, қирғиз, рус ва бир оз инглиз тилларида ижро этганларига қарамай, томошабинлар бу асарнинг ҳайратомуз кўринишлигидан завқ олдилар. Бу хақда “Альянс-пресс” агентлига Бобур номли театрнинг директори, ҚР Маданиятининг хизмат кўрсатган арбоби Набижон Мамажонов айтиб берди. Унинг сўзлари бўйича, театр артистлари ўзларининг бутун маҳоратларини, қобилиятларини ишга солаолдилар ва инглиз театр санъати мухлисларининг  олқишларига сазовор бўлдилар. Шунингдек уларга  бош ролдаги Қирғизистон Республикасининг хизмат кўрсатган артисти Алимқул Исаковнинг ўзига ҳос ижроси манзур бўлди. Томошабинлар орасида Қирғизистон Республикасининг Буюк Британиядаги Фавқулотда ва Муҳтор элчиси Искакова Гулнора Тентиевна ҳам бор эди. Спектаклнинг иккинчи сеансидан кейин Бобур номли театр директори Н.Мамажоновга “Осиё мамлакатлари театр санъати танлови ғолиби” Гран-при мукофоти топширилди.
Бундан ташқари, 16 ноябрда Бобур театри артистлари ҳамюртимиз, ўшлик уммумий овқатланиш тизими бошқарувида фаолият кўрсатган Ботир Даминович Умаровнинг Лондон шаҳрида иш юритаётган ўғиллари ресторанида концерт бердилар. Бу ресторан постсовет давлатларидан келган кишилар билан доимо гавжум. Уларга артистларимизнинг қирғиз, ўзбек, рус, турк ва инглиз тилларидаги қўшиқлардан тузилган концерт дастури жуда ҳам манзур бўлган.
Ўз имкониятимиздан фойдаланиб, «Альянс-пресс» агентлиги жамоаси Бобур театри ижодий таркибини жаҳон миқёсида ижро этилган саҳна асари билан муборакбод этади, ҳамда ўзини саҳналаштирувчи-рассом сифатида, ушбу спектаклнинг ички маъносини декорацияларда юзага чиқара олган, «Альянс-пресс» агентлигимизнинг директори Маҳмуджон Қозоқбоевнинг омадли дебюти билан чин юракдан мубарокбод этамиз.
 

---

25.03.2025
18.03.2025	4 апрел куни Тошкентда Ўшлик рассом Хасанжон Саидовнинг шахсий кўргазмаси очилади ОШ. 18 Март Куни Alliance-Press. 4 апрел куни Тошкентнинг "карвонсарой" кўргазма залида таниқли Ўшлик рассом Хасанжон Саидовнинг шахсий кўргазмаси очилади
27.02.2025
12.02.2025	Ўзбекистон Миллий Театри артистлари Ўшда ЎШ. 12 феврал – Альянс-Пресс. Ўзбекистон Миллий Театри Артистлари Ўшдаги Бобур театрига ташриф буюрдилар
12.02.2025	Ўзбекистон Миллий Театри артистлари Ўшда ЎШ. 12 феврал – Альянс-Пресс. Ўзбекистон Миллий Театри Артистлари Ўшдаги Бобур театрига ташриф буюрдилар
10.02.2025	Ўш шаҳрида икки буюк мутафаккир Алишер Навоий ва Заҳириддин Бобур таваллуд кунларига бағишланган катта тадбир ўтказилди ЎШ. 10 феврал – Альянс-Пресс. Қирғизистоннинг Ўш шаҳрида икки буюк мутафаккир Алишер Навоий ва Заҳириддин Бобур таваллуд кунларига бағишланган катта тадбир ўтказилди. Тадбир Ўзбекистон Республикасининг Халқаро “Ватандошлар” фонди ва Қирғизистон Республикасининг Ўзбек миллий-маданий маркази ташаббуси билан амалга оширилди.
08.02.2025	НАВОИЙГА ЕТМОҚ БАХТИ Буюк бобокалонимиз Амир Низомиддин Алишер Навоий ҳазратларининг бетимсол ижоди ул мўътабар зот ўзлари таърифлаганидек, дунё мамлакатларини забт этган чинакам умумбашарий ижодиётдир. Ґазрат бобомизнинг бой адабий мероси — юксак инсонпарварлик ғоялари, эзгулик ва дўстлик, бағрикенглик ва меҳр-мурувват сингари мангу мавзуларни тараннум қилиши билан оламшумул аҳамиятга молик. Девон ва достонлари вақт ҳамда макон танламайди, жуғрофий-чегаравий сарҳадларга бўйсунмайди.
28.01.2025	Диққат! “Ватандошлар” жамоат фонди ғазал мулки султони, давлат ва жамоат арбоби Алишер Навоий таваллудининг 584 йиллигига бағишланган ижодий ишлар танловини эълон қилади ТОШКЕНТ. 28 январ – Альянс-Пресс. Ўзбекистон Республикаси “Ватандошлар” жамоат фонди ғазал мулки султони, давлат ва жамоат арбоби Алишер Навоий таваллудининг 584 йиллигига бағишланган ижодий ишлар танловини эълон қилади.
16.01.2025
13.12.2024