10.02.2025 17:18 Ўш 183

Ўш шаҳрида икки буюк мутафаккир Алишер Навоий ва Заҳириддин Бобур таваллуд кунларига бағишланган катта тадбир ўтказилди

ЎШ. 10 феврал – Альянс-Пресс. Қирғизистоннинг Ўш шаҳрида икки буюк мутафаккир Алишер Навоий ва Заҳириддин Бобур таваллуд кунларига бағишланган катта тадбир ўтказилди. Тадбир Ўзбекистон Республикасининг Халқаро “Ватандошлар” фонди ва Қирғизистон Республикасининг Ўзбек миллий-маданий маркази ташаббуси билан амалга оширилди.



Алишер Навоий ва Заҳириддин Бобур таваллуд кунларига бағишланган катта тадбир Ўш шаҳрининг Алишер Навоий истироҳат боғидаги улуғ шоир ва давлат арбобига ўрнатилган ҳайкалга гул қўйиш маросими билан бошланди.

Маросимда Ўзбекистон Республикасининг  “Ватандошлар”жамоат  фонди раиси Одилжон Сатторов, Ўзбекистон Республикасининг Ўш шаҳридаги Бош консули Зафар Ахмедов, Қирғизистон Республикасининг Ўзбек миллий-маданий маркази президенти Баҳтиёр Қодиров, Қирғизистон ёзувчилар уюшмаси аъзоси Бегижон Ахмедов, Ўзбекистон – Қирғизистон дўстлик жамияти раиси Зуҳириддин Исомиддинов, жамоатчи арбоб Бўрибой Жўраев, Ўш шаҳри мэрияси вакиллиги, Ўш ва Жалолобод вилояти ўзбек миллий марказлари фаоллари, ўқитувчи ва ўқувчилар, ОАВлари вакиллари қатнашдилар.

Кейинги тадбирлар  юқорида зикр этилган контингент иштирокида  Бобур номли академик ўзбек мусиқа-драма театри биносида ва Ўш шаҳридаги Бобур номли мактаб иморатида, ҳамда “Jannat Resort Osh” ресторанида Бобур театр жамоси  ва ўзбекистонлик санъаткорлар иштирокидаги концерт номерлари билан давом этди.

“Jannat Resort Osh” ресторанидаги ўтказилган дўстлик адабий кечада шунингдек Ўзбекистон – Қирғизистон дўстлик жамияти ташаббуси билан Ўзбекистон Республикасининг Халқаро “Ватандошлар” жамоат фонди ҳомийлигида Тошкентдаги "Муҳаррир" нашриёти чоп этилган “Қирғизистон Ўзбек Адабиёти Антологияси” китоби тақдимоти бўлиб ўтди. Қирғизистон замини таваллуд топиб, йигирманчи асрда яшаб ижод қилган Алихонтўра Соғуний, Маҳжурий, Мирзакалон Исмоилий, Илёс Муслим, Иззат Султон, Мирзоҳид Мирзараҳимов, Шавкат Раҳмон, Муғанний каби забардаст ижодкорлар ўрин олган антологияда жаами 75 муаллиф хақида қисқа маълумот ва уларнинг асарларидан намуналар ўрин олган.
 
 

---

12.02.2025	Ўзбекистон Миллий Театри артистлари Ўшда ЎШ. 12 феврал – Альянс-Пресс. Ўзбекистон Миллий Театри Артистлари Ўшдаги Бобур театрига ташриф буюрдилар
12.02.2025	Ўзбекистон Миллий Театри артистлари Ўшда ЎШ. 12 феврал – Альянс-Пресс. Ўзбекистон Миллий Театри Артистлари Ўшдаги Бобур театрига ташриф буюрдилар
08.02.2025	НАВОИЙГА ЕТМОҚ БАХТИ Буюк бобокалонимиз Амир Низомиддин Алишер Навоий ҳазратларининг бетимсол ижоди ул мўътабар зот ўзлари таърифлаганидек, дунё мамлакатларини забт этган чинакам умумбашарий ижодиётдир. Ґазрат бобомизнинг бой адабий мероси — юксак инсонпарварлик ғоялари, эзгулик ва дўстлик, бағрикенглик ва меҳр-мурувват сингари мангу мавзуларни тараннум қилиши билан оламшумул аҳамиятга молик. Девон ва достонлари вақт ҳамда макон танламайди, жуғрофий-чегаравий сарҳадларга бўйсунмайди.
28.01.2025	Диққат! “Ватандошлар” жамоат фонди ғазал мулки султони, давлат ва жамоат арбоби Алишер Навоий таваллудининг 584 йиллигига бағишланган ижодий ишлар танловини эълон қилади ТОШКЕНТ. 28 январ – Альянс-Пресс. Ўзбекистон Республикаси “Ватандошлар” жамоат фонди ғазал мулки султони, давлат ва жамоат арбоби Алишер Навоий таваллудининг 584 йиллигига бағишланган ижодий ишлар танловини эълон қилади.
16.01.2025
13.12.2024
04.12.2024
21.11.2024
19.11.2024	Ўшда “Мақом жозибаси” концерти бўлиб ўтди ЎШ. 19 ноября – Альянс-Пресс. Бобур номли Академик ўзбек мусиқали драма театрида “ Мақом жозибаси” деб номланган ҳисобот концерт бўлиб ўтди.
30.10.2024