25.09.2017 17:15 Бишкек 2671

Темир Сариев штабидан айрилди, Қамчибек Ташиев номзодини олди, Бабановни БСК яна огоҳлантириши мумкин, социал-демократлар қон топширмоқдалар

Бугунги кун сайловлар билан боғлиқ янгиликларга бой бўлди...

Темир Сариевнинг штаб бошлиғи Э.Ибраимова (Султон Ибраимованинг қизи) “Сариев билан фикрлари қарама-қарши” келиб қолгани сабаб,  вазифасини бўшатиб бериши ва ўзи билан бирга бир неча штаб ҳодимларини олиб кетишини маълум қилди. Уларнинг  қайси фикрлари бир-бирига тўғри келмай қолганини, Элмира Ибраимова очиқ айтишни истамади.
 Қамчибек Ташиев БСКга ариза ёзиб ўз номзодини олиб ташлашини маълум қилган.
БСКга бишкеклик таниқли сиёсатшунос Дмитрий Орловдан ариза келиб тушди. Унинг ёзишича, номзод Бабановнинг реклама буклетларида Фавқулотда ҳолатлар вазири К.Бороновнинг сурати бор экан. Давлат амалдорлари қонун бўйича сайлов ташвиқотида иштирок этиши ман қилинган. Илгари хабар қилганимиздай, Бош сайлов қўмитаси Бабановга ўз ташвиқот биллдбордларида К.Боронов ва С.Жээнбековнинг тасвири борлиги учун огоҳлантириш берган эди. Энди эса унга иккинчи огоҳлантириш берилиши ҳавфи пайдо бўлди. Бу чора эса, номзодни сайлов пойгасидан олиб ташланишига туртки бўлиши  мумкин.
Шунингдек, эртага БСК Омурбек Бабановнинг сайлов митингида дин арбоби Содиқжонқори Камоловнинг ташвиқот қилиши билан боғлиқ ариза бўйича масала кўради.
Сооронбай Жээнбековнинг тарафдорлари эса, илгари ният қилганларидек республика касалхоналари беморлари учун қон топшириш ҳайрия акциясида иштирок этдилар. Қон топширмоқчи бўлган кўнгилиларни  мамлакатнинг барча қон қуйиш пункларида кутиб олдилар. Бир кун ичида 500 литр (ҳар бир одамдан 450 миллилитр) қон йиғилди. Бу акцияда 1000дан зиёд кўнгиллилар иштирок этдилар.
 

---

18.11.2024
16.11.2024
14.11.2024
09.11.2024
07.11.2024	Шавкатжон Абдураззоқов Наманган вилояти ҳокими лавозимига тасдиқланди НАМАНГАН. 7 ноябр – Альянс-Пресс. Халқ депутатлари Наманган вилояти Кенгашининг еттинчи чақириқ биринчи сессиясида Шавкатжон Абдураззоқов Наманган вилояти ҳокими лавозимига тасдиқланди.
01.11.2024
28.10.2024
27.10.2024
18.10.2024
14.10.2024	Ўзбекистонда парламент сайловлари демократик стандартларга мос равишда ўтказилади ТОШКЕНТ.14 октябр – Альянс-Пресс. Жорий йилнинг 27 октябрь куни Ўзбекистон Республикаси Конституциясининг 128-моддасига мувофиқ, Ўзбекистон Республикаси Олий Мажлисининг Қонунчилик палатаси ҳамда маҳаллий Кенгашлар депутатлари сайловлари бўлиб ўтади.