12.09.2020 14:26 Ўш 1144

Камтар шоирнинг 70 йиллиги Ўшда ҳам камтарона нишонланди

ЎШ. 12 сентябр – Альянс-Пресс. Бугун ўзбекнинг забардаст шоири, эркинлик куйчиси бўлган Шавкат Раҳмоннинг таваллудининг 70 йиллиги муносабати билан бир гуруҳ ижодкорлар унинг Ўш шаҳридаги уйига ташриф буюрдилар.



Шавкат Раҳмоннинг уй ҳовлисига Қирғизистондаги “Илҳом” клубининг аъзолари шоирлар Қосимжон Раҳмиев, Аъзам Раҳим, ёзувчи Бегижон Аҳмедов, адабиётшунос муаллима Илтифотхон Отахонова, рассом Хасанбой Саидов,  журналистлар Латипжон Тожибоев, Барно Исоқова ва Шухрат Само,  тарихчи Одилжон Дадажонов каби бир гуруҳ ижодкорлари қадам ранжида айладилар.

Мўжазгина ташкил этилган тадбирда бир неча ёзувчи, китоблар муаллифи Бегижон Аҳмедов, СССР ва Ўзбекистон рассомлар уюшмаси аъзоси, Бобур мукофоти совриндори Хасанбой Саидов, Қирғизистон маорифи аълочиси, адабиётшунос Илтифотхон Отахонова, устоз шоир Қосимжон Раҳмиевлар Шавкат Раҳмонни илиқ  ҳотирладилар.

Ушбу тадбир хақида шоир Аъзам Раҳим ўзининг Фейсбукдаги саҳифасида шундай деб изоҳ берди: “Буюк шоирнинг 70 йиллик туғилган куни бугун Ўш шаҳрида шоирнинг ота хонадонида камтарона нишонланди. Бир гуруҳ ижодкорлар шоирнинг укаси Маҳмуджон ака хонадонига йиғилдик.  Шавкат Раҳмон деган буюк шоирнинг таваллуд куни ҳар қандай дабдабаларсиз, қизил ва оташин нутқларсиз мўъжазгина даврада камтарона нишонланди. Шавкат Раҳмон шеърияти абадиятга дахлдор шеърият. Бу биз ўшликлар учун катта шараф ва маъсулиятдир. Барча шеърият муҳибларини улкан шеърият байрами билан табриклаймиз”.


 

---

21.11.2024
19.11.2024	Ўшда “Мақом жозибаси” концерти бўлиб ўтди ЎШ. 19 ноября – Альянс-Пресс. Бобур номли Академик ўзбек мусиқали драма театрида “ Мақом жозибаси” деб номланган ҳисобот концерт бўлиб ўтди.
30.10.2024
19.10.2024	Юсуф Боласоғуний номли Ўш шаҳри Ўзбек миллий-маданий маркази ўзининг дастлабки иш фаолиятини бошлади ЎШ. 19 октябр – Альянс-Пресс. Юсуф Хос Ҳожиб Боласоғуний номли Ўш шаҳри Ўзбек миллий-маданий марказининг Халқ ҳунармандчилик сектори фаоллари ўшлик рассом , Халқаро Бобур мукофоти совриндори Хасанжон Саидовнинг яқин ойларда Тошкентда ўтажак шахсий кўргазмасини ташкил этиш бўйича яқиндан ёрдам бермоқдалар.
19.10.2024
09.10.2024
02.10.2024
02.10.2024	Юсуф Боласоғуний номидаги Ўш шаҳар Ўзбек миллий-маданий марказининг бирлашув Қурултойи бўлиб ўтди ЎШ. 2 октябр – Альянс-Пресс. Ўш шаҳридаги Академик Ўзбек мусиқа – драма театри биносида Юсуф Хос Ҳожиб Боласоғуний номидаги Ўш шаҳар Ўзбек миллий-маданий марказининг бирлашув Қурултойи бўлиб ўтди.
10.09.2024	Ахсикент – Марказий Осиё цивилизацияси тарихининг юксак намунасидир НАМАНГАН. 10 сентябр – Альянс-Пресс. Ўзбекистоннинг Наманган вилояти марказида икки кун (9-10 сентябр) давомида “ Ахсикент – Марказий Осиё цивилизацияси тарихида” мавзусидаги Халқаро илмий-амалий конференция бўлиб ўтди.
27.08.2024