22.05.2024 11:05 856

Гуллар фестивали: “Ипак йўли бўйлаб сайёҳлик йўналишларини яратиш”

НАМАНГАН. 22 май – Альянс-Пресс. Наманган шаҳрида 63-Халқаро гуллар фестивали бўлиб ўтаётгани вилоятнинг ўзига хос кўринишига айланган. Фестивал доирасида “Ипак йўли бўйлаб сайёҳлик маршрутларини яратиш” мавзусида биринчи халқаро форум ўтказилмоқда.



Наманган вилояти ҳокимининг биринчи ўринбосари Акрамжон Абдуҳамидов ўз нутқида сўнгги йиллардаги вилоятнинг туризм салоҳияти ва имкониятлари билан таништирди. Вилоятда туризмни ривожлантиришда мазкур тадбирнинг аҳамияти катта эканини таъкидлади.
 
Фестивал нафақат маҳаллий аҳоли, балки дунёнинг турли бурчакларидан келган меҳмонларни ҳам бирлаштирмоқда.
 
Аниқ рақамлар бу ўсишни тасдиқлайди. 2017-йилда Наманган вилоятига 2,3 минг хорижий ва 22,6 минг маҳаллий сайёҳ ташриф буюрган бўлса, туризм хизматлари экспорти 2,3 миллион долларни ташкил этди. Туризм соҳасида амалга оширилаётган ислоҳотлар самарасида 2023-йил якунига кўра Наманган вилоятига хорижий сайёҳлар сони 159,8 минг нафарга, маҳаллий сайёҳлар сони эса 3,9 миллион нафарга етди. Сайёҳлик хизматлари экспорти 138,5 миллион долларни ташкил этди, бу 2017-йилга нисбатан 600 баробар кўпдир, дея таъкидлади ҳоким.
 
Туризм инфратузилмасини яхшилашга алоҳида эътибор қаратилмоқда. Яна бир эътиборга молик маълумот  2017-йилда вилоятда сайёҳлар  48 та туристик обектга ташриф буюрган бўлган бўлса,  уларнинг сони 2023-йилга келиб 139 тага етди. Яъни кўрсаткич 3 баробарга ўсди. Инфратузилмани ривожлантириш нафақат объэктлар сонини кўпайтириш, балки уларнинг сифатини оширишни ҳам ўз ичига олади. Мазкур масканларда туризм инфратузилмасини яхшилашга алоҳида эътибор қаратилмоқда.
 
Вилоятда туризмни янада ривожлантириш учун туроператор ва турагентлар фаол қўллаб-қувватланмоқда. Вилоятда туризмни ривожлантириш, кириш ва чиқиш туризми салоҳиятини ошириш мақсадида туроператор ва турагентлар фаолиятини кенгайтиришга ҳам эътибор қаратилмоқда.
 
Ўтган йили 62-халқаро фестивал давомида вилоятга 5 миллиондан ортиқ сайёҳ келган бўлса, жорий йилда бу кўрсаткич 7 миллионга етиши кутилаётганини таъкидлади. Шу мақсадда фестивал қирқ кунга узайтирилиб, тадбирлар сони ва кўлами оширилди. Хусусан, бугунги “Ипак йўли бўйлаб сайёҳлик маршрутларини яратиш” мавзусидаги халқаро анжуман ҳам айнан шу мақсадни кўзлайди.
 

---

21.11.2024
19.11.2024	Ўшда “Мақом жозибаси” концерти бўлиб ўтди ЎШ. 19 ноября – Альянс-Пресс. Бобур номли Академик ўзбек мусиқали драма театрида “ Мақом жозибаси” деб номланган ҳисобот концерт бўлиб ўтди.
30.10.2024
19.10.2024	Юсуф Боласоғуний номли Ўш шаҳри Ўзбек миллий-маданий маркази ўзининг дастлабки иш фаолиятини бошлади ЎШ. 19 октябр – Альянс-Пресс. Юсуф Хос Ҳожиб Боласоғуний номли Ўш шаҳри Ўзбек миллий-маданий марказининг Халқ ҳунармандчилик сектори фаоллари ўшлик рассом , Халқаро Бобур мукофоти совриндори Хасанжон Саидовнинг яқин ойларда Тошкентда ўтажак шахсий кўргазмасини ташкил этиш бўйича яқиндан ёрдам бермоқдалар.
19.10.2024
09.10.2024
02.10.2024
02.10.2024	Юсуф Боласоғуний номидаги Ўш шаҳар Ўзбек миллий-маданий марказининг бирлашув Қурултойи бўлиб ўтди ЎШ. 2 октябр – Альянс-Пресс. Ўш шаҳридаги Академик Ўзбек мусиқа – драма театри биносида Юсуф Хос Ҳожиб Боласоғуний номидаги Ўш шаҳар Ўзбек миллий-маданий марказининг бирлашув Қурултойи бўлиб ўтди.
10.09.2024	Ахсикент – Марказий Осиё цивилизацияси тарихининг юксак намунасидир НАМАНГАН. 10 сентябр – Альянс-Пресс. Ўзбекистоннинг Наманган вилояти марказида икки кун (9-10 сентябр) давомида “ Ахсикент – Марказий Осиё цивилизацияси тарихида” мавзусидаги Халқаро илмий-амалий конференция бўлиб ўтди.
27.08.2024